مهرجان غريب اسمه الرجل يحترق !
” Burning Man “
يقام سنوياً في صحراء ولاية نيفادا الامريكية وبالتحديد في مكان اسمه صحراء Black Rock
وقت المهرجان اخر شهر اغسطس وحتى بداية سبتمبر لمدة 4 ايام !
” ما ادري شنو اللي قاردهم يختارون هالوقت الحار !! “
يقام في المهرجان طقوس غريبه !!
” ماني عارفلهم لا دين ولا مله !! “
بشكل عام .. يجون مجموعة بشر .. كل سنه يزيدون !
يبنون مجسمات خشبيه عملاقه ..
وفي الفتره الاخيره صار مكان مميز للابداع بالافكار الفنيه والنحت
طبعاً كل المجسمات تكون خشبيه او اغلبها خشب !
اما محتوى المهرجان غريب جداً
يجتمعون لمدة 4 ايام .. يمارسون فيها طقوس دينيه غريبه ..
ويفرفشون بالمسابقات والتجمعات
وبالليه الثالثه .. يحرقون مجسماتهم كلها ..
وبالاخص .. تمثال رجل يكون على قمة هرم !
ويطالعونه ” الخبول ” ويبجون !
المهرجان تأسس سنة 1986 .. وكان الحضور 20 شخص
والدخول مجاني
اما مهرجان 2011 وصل عددهم 54،000
وتذكرة الدخول وصلت 360$ = 100 دينار !!
كنت اشوف صور للمهرجان كل سنه بس ما كنت عارف شنو هذا !
( مجموعة صور )
كل صوره فوقها تعليقها
هذا المكان يسمونه المعبد
” مساكين ذبحهم الغبار “
.
.
هذا كله مصنوع من خشب !!
.
.
المشاركين .. داخل المعبد يمارسون طقوسهم !
.
.
هذا الرجل اللي بيحترق !
مكانه بوسط التجمع
.
.
نظره عامه للمكان !!
” يخرب بيتهم .. حتى تجماعتهم مرتبه 😯 “
( اضغط على الصوره )
.
.
نظره اقرب
.
.
مجموعة مشاركات
.
.
مجسم تروي – حصان طرواده .. من المشاركات
.
.
” قوراي بالبر .. شلون يمشون !! “
.
.
بدت تبدي صور اليل 😛
.
.
اذان المغرب
<< اتغشمر 😛
.
.
شبوا نارهم !
.
.
المجسمات بدا يطلع شكلها !
.
.
مجموعة مشاركات
.
.
المعبد .. بالنهار شكله حلو .. وبالليل أحلى !!
.
.
العاب ناريه !
بدت فعاليات حرق الرجل !
.
.
الرجل يحترق !
Burning Man !
.
.
مشاهد ايمانيه 😛
.
.
خشوع 
.
.
يشوفون اخرتهم 😛
” اتسغفر الله هههههههه “
.
.
احترق كل شي !
.
.
مو قاهرني الا المعبد .. كان حلو !
😥
.
.
شوفوا .. اختفى المعبد
<< بجبده 😛
يالله .. روحوا بيوتكم ..
خليتوني اكتب موضوع شطوله علشان حريقه ! 😛
.
.
شفتوا عقلياتهم !
ناس مجانين .. طاقين درب من كل ولايات امريكا
ودافعين 100 دينار تذاكر .. علشان يقعدون بوسط البر .. ويحرقون خشب !
والحمدلله الذي أنعم علينا بنعمة الغقل والاسلام
مشكوور ..طقوووس غريبة .. نفسي اعرف قصة هالطقوس كاملة!!
ههههههههههه فلم والله
اسميهم ناس فاضيين
وناااسة !! هههه
بس مينن !
يعطيك العافية
ههههههههههههه دخلت جو معاك
ناس عايشين ديانتهم وحياتهم
نااااااااااااااااار
عقول غريبه
للاسف هذول يتبعون من فئة عبدة الشيطان وانا اعرفهم وواثق من كلامي 🙂
مشكور على المعلومه 🙂
موو معقوووووول ابدا .. !!!
الحمدلله على نعمة العقل ..
الجنون فنون والله
مدام ان فيه هرم اتوقع انهم من فئة من الماسونيه
أعوذ بالله من شرهم الحمد لله ع العقل اجل أخرتها رماد و حريقه :/