اليوم بدلت هارديسك جهاز الاهل MacBook Pro 13

لأن الهارديسك اللي فيه 160GB

وشريت واحد جديد 500GB ماركة SAMSUNG

اخذته من حولي بـ 17 دينار

وحبيت اني انقل لكم شلون الواحد يطور جهازه بنفسه وبدون أي تعقيد

او يروح عند المحلات ويقصون عليه بسعر على سالفه ما تسوى

كل اللي نحتاجه :

درنفيس ( + ) قياس 1.0

ودرنفيس نجمه سداسية قياس T6

و CD النظام اللي يجي مع اللابتوب او اذا كنت شاريه

” يفضل يكون OS X 10.6 = Snow Leopard “

علشان بعدين بس تسوي ابديت من الـ App Store

اذا كنت تبي تبدي من جديد !

توضيح هالنقطه راح يكون لها شرح بالموضوع لانه ينقسم الى نصفين .. حسب اللي تبيه

الشرح شكله طويل بس سهل

بسم الله

نزهب العده

ونقلب اللابتوب .. ونفتح البراغي اللي فيه ..

10 براغي .. 3 طوال و 7 صغار

” دير بالك لا يضيعون “

.
.

هذا شكل الجهاز بعد ما نفتحه

الهارديسك على اليسار تحت

والرامات مكانهم واضح ” اللون الاخضر “

.
.

هذي الرامات اذا حبيت تزيد سرعتهم من 2 إلى 4 أو 8

بس ارفعهم .. وبدل .. السالفه سهالات

.
.

الهارديسك نفتح البراغي اللي بالحديده اللي على الجنبين

اللي جهة كفر اللابتوب ما ينشال بس شيل البراغي

واللي داخل الجهاز .. القطعه تنشال بس البراغي ما يطلعون منها

وبعدين نرفع الهارديسك من اللزقه الشفافه اللي عليه شوي شوي لانه ممد عليه كيبل

ونشيله من الكيبل اللي موصل عليه

.
.

اليسار الهارديسك القديم ماركة Seagate سعته 160GB

والجديد SAMSUNG سعته 500GB

.
.

ناخذ براغي قاعدة الهارديسك القديم ونحطها بالجديد

” نفس اللي بالصوره “

باستخدام درنفيس النجمه اللي ذكرناها

وناخذ اللزقه الشفافه من الهارديسك القديم

ونحطها بنفس الجهه بالهارديسك الجديد

علشان تسهل عملية التركيب او اذا بتشيله بالمستقبل

.
.

بعدين نركب الهارديسك بمكانه

تأكد ان الكيبل مركب عدل .. وتأكد انه ثابت بمكانه ما يتحرك

.
.

وبعدين نوصل حق مرحلة البرمجه

نشغل الجهاز ونحط فيه الـ CD

ويطعلنا هالشاشه

اضغط على السهم

.
.

الحين خطوه مهمه

طبعاً الجهاز ما راح يقرا الهارديسك الجديد !!

راح نفرمت الهارديسك عن طريق :

Utility من الشريط اللي فوق

وبعدين تختار Disk Utility

.
.

بعدين راح نختار الهارديسك الجديد من القائمه على اليسار

وبعدين نختار Erase من الشريط اللي فوق

ونختار نوع الفورمات : Journaled

وبعدين تحط اسم الهارديك اللي تبي

وبعدين تضغط على Erase اللي موجوده تحت على اليمين

.
.

يطلعلك تأكيد انك تبي تفرمت الهارديسك الجديد

اضغط Erase

.
.

خطوه مهمه

الحين الهارديسك شغال تمام

وعندك خيارين :

1 – انك تبدي من جديد

وتلغي الداتا اللي عندك .. وكأنك توك شاري الجهاز

” الا اذا عند شوية ملفات حاطها بهارديسك خارجي “

يعني مثل شوية صور وشوية ملفات مهمه

هذي طريقه سهله مافيها أي تعقيد

2 – ترد ملفاتك كامله عن طريق Backup

وهذي لازم تسويها قبل ما تبدل الهارديسك

بشرط انه يكون عندك هارديسك خارجي خاص يحفظ بياناتك

عن طريق Time Machine

هذي الطريقه سهله

اشتر هارديسك خارجي ” يفضل سعته تكون عاليه 1 تيرا مناسب “

وتوصله على جهازك .. وتفتح برنامج Time Machine .. واختار ON

وبعدين Select Disk

وتختار الهارديسك الخارجي اللي وصلته

وراح يكون حق الباك اب

وينقل كل الاعدادات والملفات الى الهارديسك الخارجي

يعني اذا بدلت الهارديسك او شريت جهاز جديد .. ما راح يتغير معاك أي شي

الميزه حلوه .. وسهل

راح يطلب منك تسوي باك اب كل 10 ايام

أبل عندهم جهاز خاص حق الميزه اسمه :

Time Capsule

اكو منه سعتين 1 تيرا .. 2 تيرا

.
.

نرجع للشرح

الحين الخطوه لـ الطريقه الاولى اذا تبي تبدي كأنه هارديسك جديد

اضغط install

وباقي الخطوات سهله .. مثل يوم شريت جهازك وشغلته اول مره

.
.
.

خذي الخطوه لـ الطريقه الثانيه انك تسوي Backup

انا استعمل Time Capsule من ابل

بس الطريقه نفسها اذا تستعمل هارديسك خارجي .. بمجرد انك توصله على جهازك يطلعلك نفس الشي

تختار Utility من الشريط اللي فوق

وبعدين تختار Restore System From Backup

.

.

تختار الهارديسك اللي فيه الـ Backup

وبعدين Continue

.
.

وبعدين تختار ملفك اللي فيه الباك اب الخاص فيك

” طالع جذي لأن عندي اكثر من جهاز يسوي باك اب على الهارديسك “

.
.

اختار تاريخ الباك اب اللي تبي ترد الهارديسك عليه

.
.

وبعدين انطر لما يخلص

” معدل من ساعتين إلى 3 ساعات ينقلك كل البيانات “

وبعدين راح تشوف ان جهاز على وضعه .. بس زادت عندك السعه

وعيش حياتك مع سعه اكبر

وان شالله يكون الشرح واضح وسهل

واذا في اي استفسار او اشكاليه .. انا حاضر 🙂