برنامج سكايب Skype
من أشهر برامج المحادثات الصوتية والمرئيه !
هو برنامج مكالمات VOIP يمكنك من خلاله اجراء مكالمات مجانية بالصوت والصوره
من سكايب إلى سكايب .. أو من سكايب إلى أي تليفون بالعالم
اما من سكايب إلى سكايب يعني :
من ايفون إلى ايفون .. ايفون الى اندرويد .. نوكيا إلى اندرويد .. ويندوز إلى ايفون
أو من ويندوز إلى ماك .. أو العكس .. إلخ
انتشرت برامج كثيره بالمكالمات المجانية
جربتهم كلهم .. ومافي برنامج قدر يقنعني إني استغنى عنه !
وتقدر تعبيه رصيد .. وتدق دولي بسعر رخيص حيل عن طريق بطاقات ” كاش يو ” المنتشره حتى في البقالات !
المشكلة
إن عندنا جهل أو غباء بوزارة المواصلات !
يعني موقع سكايب صاكينه بلوك !
ليش ؟!
خايفين من ان الناس تتكلم دولي .. تهرباً من اسعار مكالماتكم الخياليه ؟!
ترى اكو مليون برنامج وموقع احسن وارخص من سكايب بالمكالمات الدولية
” مثل برنامج ooVoo اقدر ادق منه ببلاش على ٦ دول .. ولهم برنامج توه نازل على الايفون بعد ! “
انا أبي واحد من المسؤولين بالوزاره يصرح عن سبب حجب الموقع اللي صارلكم اكثر من ٤ سنين صاكينه بلوك !
.
طريقة استخدام البرنامج :
قم بإنشاء حساب خاص لك
من خلال هذا الرابط :
فقط قم بتسجيل يوزر نيم + ايميلك
” ماراح يدزولك ايميل تفعيل .. راح يتفعل بروحه “
وبعد ما تدخل بياناتك .. يفتحلك البرنامج
وتضيف الناس عن طريق فلتر !
يعني باليوزر نيم .. أو النك نيم .. او الدوله .. او العمر .. او الجنس !
وتقدر تكلم اي احد حتى لو ماضافك
” للبنات اللي يبون يفتكون من الازعاج .. تختار دوله نائيه .. موزمبيق او جزر الباهاماس “
البرنامج بشكل عام ممتع وسهل ومفيد
وتقدرون من خلاله مشاركة الملفات
ومشاركة الشاشه ” كـ عرض “
يعني اوريك شاشتي ” تشوف وما تتحكم “
محادثات صوتيه او فيديو جماعيه !
متابعة الفيسبوك من خلاله
والكثير من مميزاته !
.
.
إذا ما عندك سكايب .. تقدر تنزل الحين آخر اصدار .. حسب نوع جهازك
اضغط على الصوره للتحميل
ماكنتوش :
ويندوز :
.
ايفون – ايبود – ايباد :
” ما نزلت نسخه خاصه للايباد لي الحين بس تقدرون تستعملون نسخة الايفون فيه “
.
اندرويد :
” جميع الهواتف “
.
نوكيا :
” Symbian “
.
.
استمتعوا بالمحادثه الكتابيه والصوتيه والفيديو على كيفكم
ويسقط البلوك ! 😛
سلمت لنا يمناك
يعطيييك الف عافيه جهد تشكر عليه صراحه وهذا مو غريب علي مبدع مثلك
حبيب والله يا الشنفا .. ويسعدني ردك ^_^
انت المبدع .. وبانتظار Q8mags.com يفتح بعد الصيانه ^_^
يعطيك العافيه علي مجهودك الواضح
فعلا من افضل برامج المحادثه او الاتصال الدولي اللي استخدمتهم
الله يعافيك .. اي والله مافي احسن منه ^_^
البرنامج قوي ومانستغني عنه بالمكالمات الدوليه
يعطيك الف الف عافيه
الله يعافيج .. والبرنامج بالنسبه لي احلى برنامج
يعطيك العافيه على البرنامج الشيق
وجاري التحميل الف شكر
البرنامج حلو مسلي بس يقطع
حلو ومسلي شكرًا
I