بهذا الوقت
كل واحد فينا شايل بمخباته كاميره
والكل يصور .. على الاقل بتليفونه
خصوصاُ بعض الصور راح تكون ذكرى معاه
بس البعض يشوف ان الصوره اللي صورها عاديه
بس لما يشوف صوره ثانيه مصورينها من نفس التليفون او الكاميره .. يشوف انها فيها ابداع
اللي ابدع بالصوره حاله من حالك .. لكن عرف شلون ياخذ زاويه حلوه
ويطبق قانون اسمه ” قانون الاثلاث “
اغلب الناس اللي عندهم كاميرات ديجيتال .. شاف في خيار يعطيه مربعات حق الصوره
هي انك تقسم الصوره ثلاث اقسام بالطول .. وثلاث اقسام بالعرض
بهذا القانون .. راح تعرف شلون توزع عناصر الصوره بشكل فني مميز
.
.
( مجموعة صور + فيديو )
هذا مثال يوضح تطبيق القانون
شوفوا البحر .. ماخذ ثلث الصوره اللي تحت .. والسما ثلثين
والشجره هي العنصر الرئيسي .. مكانها صار على زاويه مميزه
وماخذه مكان على الخط الفاصل بين الطول والعرض .. مو بوسط الصوره
.
.
شوفوا الفرق اذا صار العنصر الرئيسي بوسط الصوره
او اذا طبقنا قانون الاثلاث
صار تغيير واضح لما العنصر صار على الخط الفاصل
حتى بمسافة السما والارض
الارض ثلث والسما ثلثين لان اهمية السما اكثر .. بسبب الغيم
.
.
هذا الفن مو بس حق تصوير الطبيعه
هذا حق كل انواع التصوير .. وحتى الدعايات
شوفوا هذي الصور
صوره من نوع برورتيه
نشوف ان الوجه اخذ ثلثين الصوره
والعين اللي اهي تعتبر عنصر رئيسي .. صارت على الخط الفاصل
.
.
هذا فيديو يشرح شلون تطبيق القانون بشكل واضح
يبين ان العنصر اللي بتصوره ما يكون بوسط الصوره
والارض والسما لازم كل وحده تاخذ قياسها الصحيح بالصوره
YouTube : LINK
ان شالله يكون الموضوع مفيد وواضح
لاني انقهر لما واحد يسافر واشوف تصويره كله غلط
وبحركه بسيطه بتحريك الكاميره ممكن الصوره تطلع أحلى
ثاانكس وايد… توني ادري شفايدة هاي الخطوط ف الكام…
سبحان الله كنت استخدم نفس الطريقة في التصوير
دون ان اعرف نظام الاثلاث هذا
لاكن بالطبع سياساعد كثير في سرعة التقاط الصورة
ههههه انا كنت احسب عشان اخلي الوجه بالمربع اللي بالنص
ما ادري متى ابطل الهباله حقتي.. افسر كل شيء على كيفي خخخخخ
زين والله استفد كثير
مشكورررر على الشرح
استفدت منه … اول ما اعرف شفايده الخطوط ههههه
ابداع يالسمي بالموقع .. صرت اهتم شبه يومي ادش موقعك .. ومو وقت اطراء الحين ولكن حبيت اسجل اول حضور لي بالموقع بموضوع يخصني ويخصك .. واهوا الكاميرا ، وعارف مقصدي زين .. عشان بالمخيم اتحداك بالتصوير وننسى ايام دي سي ههههه .. يخزه بطرف عين ويمشي ومعطيه ظهره
ايوالله ابو غريب ايام الدي سي.
كني من خوياكم هههههههههه
Y36ek el3afya